SUN’IY INTELLEKT, INNOVATSION METODLAR VA GIBRID TA’LIM INTEGRATSIYASI ASOSIDA INKLYUZIV TIL TA’LIMINI TAKOMILLASHTIRISH

SULTONOVA, Nigora Abdug'aniyevna

Lingvospektr · 2025-yil

Annotatsiya

Mazkur maqolada inklyuziv til ta’limi jarayonida sun’iy intellekt (SI), innovatsion pedagogik metodlar va gibrid ta’lim texnologiyalarini integratsiya qilish masalasi har tomonlama tahlil qilinadi. Zamonaviy ta’lim tizimida turli ehtiyoj va qobiliyatlarga ega bo‘lgan o‘quvchilarni sifatli bilim bilan ta’minlash dolzarb vazifalardan biri hisoblanadi. Sun’iy intellekt asosidagi adaptiv platformalar, raqamli baholash tizimlari hamda shaxsiylashtirilgan topshiriqlar o‘quvchilarning individual o‘rganish ehtiyojlarini qondirishga xizmat qiladi. Innovatsion metodlar, jumladan, task-based learning, project-based learning, flipped classroom hamda kooperativ ta’lim modellaridan foydalanish til o‘rganish jarayonini faol, kommunikativ va amaliy yo‘naltirish imkonini beradi. Gibrid ta’lim esa an’anaviy sinf mashg‘ulotlari bilan masofaviy ta’lim imkoniyatlarini uyg‘unlashtirib, barcha talabalarning teng ishtirok etishini ta’minlaydi. Tadqiqot natijalari shuni ko‘rsatadiki, SI texnologiyalaridan foydalanish til o‘rgatish jarayonida baholashni avtomatlashtirish, fidbek tezligini oshirish va rivojlantiruvchi topshiriqlarni moslashtirish imkonini beradi. Integrativ pedagogik model o‘quvchilarning o‘qish, tinglash, yozish va gapirish ko‘nikmalarini kompleks rivojlantirishga xizmat qiladi. Ushbu yondashuv inklyuziv muhitda o‘quvchilarning kommunikativ faolligi, o‘z-o‘zini baholash hamda mustaqil o‘rganish ko‘nikmalarini rivojlantirishga samarali ta’sir ko‘rsatadi.

Maqola ma’lumotlari
MualliflarSULTONOVA, Nigora Abdug'aniyevna
JurnalLingvospektr
Nashr sanasi2025-12-26
Jild12
Son2
Betlar250-253
TilO‘zbek

Maqolaning asl sahifasi

Ilmiy soha

FilologiyaPedagogikaTarix

Lingvospektr jurnalidan boshqa maqolalar

Lingvospektr — barcha maqolalar